Deuteronomy 18
Siampite le Levi-te Ading Biaknate
1Levi-te ahi siampite - Levi beh’ buppi in - Israel tawh tanh ahi a luah ahi zongin a nei peuhmah kei hi. TOPA tungah mei-a hal biakna dingin a kipiate in a kivak ding uh hi; amau luah tua ahi hi. 2Amau sanggamte lakah luah nei lo uh a; amau tungah a ciamsa bangin amau luah in TOPA ahi hi. 3 Bawngtal ahikeh tuu in mite in biakna a piak ciangin siampite kaih: aliang, apangte gel le a sungkua ahi hi. 4Note in amaute tungah na an uh gahmasate, na zuthakte uh na sathau uh le na met masak uh tuumul na pia ding uh hi; 5ahang in, na behte khempeuh panun TOPA mina dingin nasem niloh dinga TOPA note Pasian in amaute le amaute suante a teelsa ahi hi. a 6 Levi-te khat Israel gam mun khata khuapi khatpeuh-a a tenna panin lal a, TOPA in a teel nading munah thumaantaka a va tun leh 7TOPA omna tua lai-a a mipih Levi-te khempeuh tawh a kibangin TOPA ama Pasian minin na sem thei ding hi. 8Amah in a innkuan van neihte zuakin sum a ngah khin zongin amaute kaih bangbang a ngah ding hi. bKihhuai Gamtatnate
9 TOPA note Pasian in hong piak ding gamah na lut uh ciangin tua lai-a minamte hih a kihhuai nate cing kei un. 10No lakah biakna-in a tanu ahi-a a tapa ahi zongin mei sungah ▼▼18.10 Ahikeh a tanu ahikeh a tapa a piakhia
a khul, aisan, khongkhai, mangsan, aitawi, 11mibum a zang, sikha hopih, vankah le misi thu dong khat beek omsak kei un. 12Hihte a hih peuhmah TOPA in kih a, hih a kihhuaite a sep manun TOPA note Pasian in tua minamte na mai panun a nawhkhiat ding ahi hi. 13Note na hi uh leh TOPA note Pasian mai-ah na paubaang kei ding uh hi. d Kamsang
14 Na suankhiat ding uh minamte in aisanin khongkhai uh hi. Ahi hangin TOPA note Pasian in tua banga na sep ding uh hong phal lo hi. 15TOPA note Pasian in nomau sanggamte lak panin no ading kei bang khat kamsang hong khangsak ding hi. Ama thu na ngai pelmawh un. 16Horeb ah mipi na kikhop ni-un, “TOPA eite Pasian aw hong zasak loin a meikuang lianpi zong hong musak nawn kei un, ka si kha ding uh hi,” na cih ni-un TOPA note Pasian tunga na nget uh hih mah ahi hi. 17 TOPA in, “Amaute gen a hoih hi. 18Amau sanggamte sung panin amau ading nang tawh a kibang kamsang khat ka khangsak dinga; a kam ah ka thute guanin amah ka thupiak peuhmah amaute tungah a gen ding hi. 19Kamsangpa in ka thu gente kei mina a gen, a sang lo peuhmah kei mahmah in amah samin ka mawhsak ding hi. 20Ahi hangin kamsang khat in kei thupiak lohpi-in kei minin thu khatpeuh a gena, ahikeh kam sangin adang pasiante minin thu a gen leh kithat pelmawh ding hi,” a ci hi. e 21 Nang le nang in, “TOPA gen loh thupuak bangci theih ding i hi hiam?” na ci thei hi. 22Kamsang khat in TOPA thu genin a tun kei-a, a maan kei leh TOPA gen hi lo hi. Tua kamsangpa thu sansat ahi hi. Amah kihta kei un. f
Copyright information for
ZomZIV